| Գլխավոր էջ » Ֆայլեր » Բլոգինգ |
Տրանսլիտ: Մեսրոպ Մաշտոցի աչքից հեռու
| 09.01.2016, 20:01 | |
Դեռ 1990-ական թվականներին, երբ Հայաստանում համակարգիչները և ինտերնետը հազվագյուտ երևույթ էին, կարելի էր հասկանալ այն մարդկանց, ովքեր վիրտուալ շփման համար օգտագործում էին անգլերեն տառերով հայերեն բառեր: Չնայած այն ժամանակներում նույնպես առկա էին հատուկ ծրագրեր, որոնց օգնությամբ հնարավոր էր գրել հայերեն: Ժամանակների հետ և՛ համակարգիչները և՛ ինտերնետը մեծ առաջընթաց ապրեցին Հայաստանում, բայց մեծամասնությունը շարունակում է գրել անգլերեն տառերով հայերեն բառեր (տրանսլիտով): Նույնիսկ Microsoft ընկերությունը իր օպերացիոն համակարգերում հնարավորություն է տալիս գրել հայերեն տառեր: Էլ չեմ ասում KdWin-ի մասին, որի միջոցով հայերեն գրելը դարձել է շատ հեշտ գործընթաց:
 Սակայն այսօր ինտերնետից օգտվող հայերի համար սոցիալական ցանցերում մաքուր հայերենով գրելը խրախուսելի փաստ չի համարվում: Որոշները խուսափում են մաքուր հայատառ գրելուց, որովհետև վախենում են տառասխալներից, իսկ ոմանք էլ ուղղակի չեն կարողանում սովորել տառերի ճիշտ տեղերը և հայկական ինտերնետը վերածել են խառնաշփոթի: Ասեմ որ, ես հենց սկզբից իմ բլոգում գրել եմ հայերեն տառերով և երբեք չեմ դիմել տրանսլիտի օգնությանը: Որովհետև կարծում եմ, որ ավելի լավ է գրել որոշակի սխալներով հայերեն տառերով բառեր, քան օգտվել օտար տառերից կազմված հայերեն բառերից: Հ.Գ.
Նպաստեք հայկական ինտերնետի զարգացմանը և գրեք մաքուր հայերեն:
| |
| Դիտումներ: 245 | Բեռնումներ: 0 | | |
| Մեկնաբանություններն ընդամենը՝: 0 | |