Գլխավոր էջ » 2015 » Նոյեմբեր » 27 » Google I/O-ի ժամանակ ցուցադրվեցին Android M-ի մի քանի նոր ֆունկցիաներ
17:42 Google I/O-ի ժամանակ ցուցադրվեցին Android M-ի մի քանի նոր ֆունկցիաներ |
 Տեղի ունեցավ հերթական Google I/O 2015 գիտաժողովը, որի ընթացքում ցուցադրվեց նոր Android M օպերացիոն համակարգը:
Chrome Custom Tabs
Android M համակարգում ավելացել է Chrome Custom Tabs ֆունկցիան, որը թույլ է տալի ծրագրեր մշակողներինս իրենց հավելվածներում դիտարկիչներ տեղադրելու փոխարեն օգտագործել Chrome-ի հնարավորությունները: Այսինքն հավելվածներում բացված հղումները կարող են պարունակել Google Chrome-ում առկա օգտատիրոջ գաղտնաբառերը, լրացված տվյալները և այլն:
Ընտրովի թույլատվություն
Android M համակարգում հավելվածները կպահանջեն թույլատվություններ այն դեպքում, երբ դրա անհրաժեշտությունը լինի (ինչպես iOS-ում): Այսինքն, լուսանկարվելու հավելվածը տեսախցիկից օգտվելու թույլատվություն կպահանջի այն դեպքում, երբ բացեք այդ հավելվածը և օգտվեք լուսանկարվելու ֆունկցիայից: Հիշեցնեմ, որ նախկինում այս բոլոր թույլատվությունները պահանջվում էին ծրագիրը տեղադրելուց առաջ:
 Intent System
Այս ֆունկցիայի շնորհիվ հավելվածները կարող են հեշտությամբ համագործակցել միմյանց հետ: Օրինակ, եթե հավելվածներում մեկում սեղմեք Twitter-ի հղման վրա, ապա կբացվի Twitter հավելվածը:
Google Now Android M համակարգում հայտնվել է Now on Tap գործառույթը, որը հանդիսանում է Google Now-ի բաղկացուցիչ մասերից մեկը: Եթե հավելված մշակողը Google-ի ինդեկսացիայի համար բացի իր տվյալները, ապա Now on Tap-ի միջոցով օգտատերը կարող է ստանալ լրացուցիչ տվյալներ: Օրինակ, եթե երկու օգտատերեր մեսենջերով խոսում են ինչ-որ կինո դիտելու մասին, ապա Home կոճակը երկար սեղմելու դեպքում հնարավոր կլինի ստանալ այդ ֆիլմի մասին լրացուցիչ տվյալներ, դիտել թրեյլերը և այլն:  Doze
Android M-ում հայտնվել է նաև Doze ֆունկցիան, որը թույլ է տալիս երկու անգամ երկարացնել բջջային հեռախոսի «անգործունյա» աշխատանքը: Շարժումների սենսորների շնորհիվ սարքը եզրակացություն կանի՝ տվյալ պահին օգտագորում եք այն, թե ոչ, և չօգտագործելու դեպքում կմիանա «քնի» ռեժիմը:
 Android Pay
Google-ը ներկայացրեց Android Pay վճարային համակարգը, որը հանդիսանում է Apple Pay համակարգի կրկնօրինակը: Այս համակարգի հետ միաժամանակ ավելացվել է մատնահետքի սկաների հնարավորությունը:
USB Type-C
Android M-ում կհայտնվի USB Type-C տեխնոլոգիայով սարքեր լիցքավորելու ֆունկցիան: Այժմ հնարավոր կլինի սարքը միացնել այլ Android սարքի և լիցքավորել մյուսի մարտկոցի հաշվին:
|
|
|
| Մեկնաբանություններն ընդամենը՝: 0 | |