Vehicle to Infrastructure (V2I) կոչվող տեխնոլոգիայի միջոցով Audi ընկերությունը նախատեսում է 2017 թվականից իր նոր մոդելների մեքենաներում ներդնել շրջակա միջավայրի հետ ինֆորմացիա փոխանակող սարքեր: Մասնավորապես Audi Q7, A4, A4 Allroad մեքենաների վրա տեղադրվելու է դիսփլեյ, որտեղ ցուցադրվելու է, թե քանի վայրկյան մնաց լուսաֆորի հաջորդող գույնին: Հետագայում այս տեխնոլոգիան կարող է կիրառվել առանց վարորդի կառավարվող մեքենաներում: 
 

V2I տեխնոլոգիան թույլ է տալիս նաև ավտոմեքենաներից ինֆորմացիա փոխանցել կենտրոնական ղեկավարման համակարգին, որը կարող է մեքենաների հոսքի մասին պատկերացում կազմել և դրան համապատասխան փոխել գույների անցման ժամանակը: